Skip to main content

У Гродзенскай дыяцэзіі прызначаны новыя афіцыял і суддзя біскупскага суду і душпастыр міністрантаў

PM grodno 0058Біскуп Гродзенскі Уладзімір Гуляй прызначыў новых афіцыяла і суддзю дыяцэзіяльнага суду і душпастыра літургічнай службы алтара.

Аб прызначэннях паведамілі ў межах дня засяроджання для святароў, які прайшоў 17 лістапада ў Міждыяцэзіяльнай вышэйшай духоўнай семінарыі ў Гродне.

Пробашч парафіі Маці Божай Нястомнай Дапамогі ў Парэччы (дэканат Гродна-Усход) кс. Павел Урбан прызначаны афіцыялам біскупскага суду.

Пробашч парафіі Унебаўзяцця Найсвяцейшай Панны Марыі ў Капцёўцы (дэканат Гродна-Захад) кс. Міхал Ластоўскі прызначаны суддзёй біскупскага суду.

Вікарый парафіі св. Вацлава ў Ваўкавыску кс. Андрэй Белаблоцкі прызначаны дыяцэзіяльным душпастырам міністрантаў і літургічнай службы алтара.

Біскуп пажадаў гэтым святарам Божых ласкаў у выкананні новых абавязкаў і ўдзяліў пастырскае благаслаўленне.

Прэс-служба Гродзенскай дыяцэзіі

Фота: Аляксандра Шчыглінская