Біскуп Гродзенскі Уладзімір Гуляй прызначыў кс. Віталія Сідорку грэміяльным канонікам катэдральнага капітулу Унебаўзяцця Найсвяцейшай Панны Марыі і св. Казіміра.
Урачыстая цырымонія з гэтай нагоды прайшла 5 лістапада ў гродзенскай катэдры св. Францішка Ксаверыя.
Ксёндз Віталій з’яўляецца біскупскім вікарыем па справах агульнага душпастырства ў Лідскім рэгіёне і пробашчам лідскай парафіі Узвышэння Святога Крыжа.
Прэс-служба Гродзенскай дыяцэзіі
