14 жніўня з нагоды свята св. Максімільяна Марыі Кольбэ ў катэдральным касцёле св. Францішка Ксаверыя ў Гродне на малітву сабраліся канонікі катэдральнага капітула Унебаўзяцця Найсвяцейшай Панны Марыі і св. Казіміра.
Перад пачаткам Эўхарыстыі святары памаліліся Літургіяй гадзінаў. Затым адбылася св. Імша, якую ўзначаліў біскуп Аляксандр Кашкевіч.
Гэта была асаблівая нагода для малітвы ў намеры Касцёла на Гродзеншчыне. Праз заступніцтва св. Максімільяна, які з’яўляецца апекуном дыяцэзіі, канонікі даручалі Богу ўсіх, хто складае наш лакальны Касцёл.
Прэс-служба Гродзенскай дыяцэзіі
Фота: Максімільян Пік
