17-18 кастрычніка ў дыяцэзіяльным санктуарыі Маці Божай Каралевы нашых сем'яў у Тракелях прайшла сустрэча для членаў Асацыяцыі Святой Сям’і.
Удзельнічала 19 чалавек, духоўным айцом і настаўнікам на сустрэчы быў кс. Алег Шпець TChr. Мэтай сустрэчы было даць удзельнікам магчымасць сумеснай малітвы і духоўнага аднаўлення.
Праграма была вельмі насычанай, яе сэрцам была духоўная частка - малітва, адарацыя Найсвяцейшага Сакрамэнту і Імша.
Ксёндз Алег выступіў з канферэнцыяй на тэму камунікацыі і жыцця ў супольнасці.
Потым падвялі вынікі мінулага перыяду дзейнасці Асацыяцыі Святой Сям'і і абмеркавалі ідэі, мэты і планы на бягучы год. У канцы падзяліліся перажываннямі, думкамі і сведчаннем веры.
"Атмасфера ў канцы сустрэчы была неверагодна душэўнай, сяброўскай, прысутныя шчыра размаўлялі, адчуваючы сябе адной вялікай сям’ёй", - кажуць удзельнікі.
Прэс-служба Гродзенскай дыяцэзіі
