9 жніўня ў касцёл свсв. апосталаў Пятра і Паўла ў Жупранах (Ашмянскі дэканат) былі ўрачыста ўнесены рэліквіі бл. сясцёр Марыі Стэлы і дзесяці яе паплечніц, мучаніц з Навагрудка.
Сімвалічна рэліквіі ў святыню ўнесла с. Лаўра Шукеловіч CSFN, якая паходзіць з гэтай парафіяльнай супольнасці.
Як падкрэсліў пробашч парафіі кс. Артур Ляшнеўскі SDB, рэліквіі бласлаўлёных назарэтанак будуць умураваныя ў новы эўхарыстычны алтар падчас кансэкрацыі жупранскага касцёла 29 жніўня. У гэты дзень будзе адзначацца 150-годдзе мясцовай святыні.
Прэс-служба Гродзенскай дыяцэзіі
