У райвыканкаме ў Шчучыне прайшла традыцыйная сустрэча кіраўніцтва раёна з духавенствам каталіцкай і праваслаўнай канфесій.
Як паведамляе dzyannica.by, у ходзе адкрытага дыялогу былі вызначаны планы далейшага супрацоўніцтва і вырашэння існуючых праблемных пытанняў.
Рэлігійную дзейнасць у раёне ажыццяўляюць 32 супольнасці, з якіх 14 рыма-каталіцкай канфесіі, 16 праваслаўнай канфесіі, 1 пратэстанцкая рэлігійная супольнасць, а таксама рыма-каталіцкая манаская кангрэгацыя Сясцёр Маці Міласэрнасці. Набажэнствы, рэлігійныя абрады і цырымоніі праводзяцца ў 37 культавых будынках.
Усе рэлігійныя супольнасці паспяхова прайшлі перарэгістрацыю і працягваюць плённа працаваць у міры і згодзе.
Размова ішла аб бяспецы людзей, сумеснай працы па выхаванні падрастаючага пакалення, дэмаграфічнай сітуацыі ў раёне.
Кожны з прысутных святароў мог задаць сваё пытанне і акрэсліць існуючую праблему. Абмен думкамі вызначыў напрамкі, у якіх будзе будавацца далейшае сумеснае супрацоўніцтва.
На завяршэнне сустрэчы намеснік старшыні райвыканкама Таццяна Цюсіна падзякавала святарам за мір і спакой сярод вернікаў, за супрацоўніцтва і паразуменне.
