19 мая ў будынку Міждыяцэзіяльнай вышэйшай духоўнай семінарыі ў Гродне адбылося пасяджэнне камісіі па сацыяльных пытаннях і прававых адносінах са свецкімі ўладамі. Камісія дзейнічае ў межах І Сіноду Гродзенскай дыяцэзіі, які праходзіць у гэтым годзе.
У пасяджэнні ўдзельнічаў біскуп Гродзенскі Уладзімір Гуляй.
Фінальнае пасяджэнне зацвердзіла статуты камісіі. Сінод заахвочвае да большай адказнасці вернікаў за грамадскае жыццё і актыўнага ўдзелу ў распаўсюджванні хрысціянскага святопогляду і хрысціянскіх каштоўнасцей.
Біскуп падзякаваў членам камісіі на чале з яе старшынёй кс. Валерыем Аброшкам, пракуратарам гродзенскай семінарыі, за актыўнае ўключэнне ў працу Сіноду і клопат аб развіцці рэлігійнага жыцця ў мясцовым Касцёле.
Прэс-служба Гродзенскай дыяцэзіі
