Курыя Гродзенскай дыяцэзіі са смуткам паведамляе, што 15 мая пасля цяжкай хваробы адышоў у вечнасць кс. Ян Сарэла, духоўны айцец Міждыяцэзіяльнай вышэйшай духоўнай семінарыі ў Гродне.
Парадак развітання з целам спачылага святара наступны:
16 мая
пасля 14.00 – труна з целам будзе знаходзіцца ў семінарыйнай капліцы,
19.00 – св. Імша для семінарыйнай супольнасці.
17 мая
14.30 – перанясенне труны з целам у касцёл Адшукання Святога Крыжа ў Гродне (пабернардынскі),
15.00 – св. Імша.
Пасля св. Імшы – развітанне ў Гродне і перавоз труны з целам у касцёл Адведзінаў Найсвяцейшай Панны Марыі ў Тракелях (Радунскi дэканат), адкуль паходзіць святар.
19.00 – св. Імша ў касцёле ў Тракелях, малітоўнае чуванне пры труне.
18 мая
12.00 – пахавальная св. Імша.
Пахаванне адбудзецца на парафіяльных могілках.
Пасілак для святароў і сясцёр законных – у рэкалекцыйным доме ў Тракелях.
Ксёндз Ян Сарэла нарадзіўся 28 жніўня 1975 г. Паходзіць з парафіі ў Тракелях.
Прэзбітэрскае пасвячэнне прыняў 3 чэрвеня 2000 г. у катэдральнай базыліцы св. Францішка Ксаверыя ў Гродне з рук біскупа Аляксандра Кашкевіча.
Даручаем спачылага Божай Міласэрнасці.
Вечны адпачынак дай яму, Пане…
Прэс-служба Гродзенскай дыяцэзіі
