26 лютага ў біскупскай курыі ў Гродне прайшло пасяджэнне камісіі па справах духавенства, якая дзейнічае ў межах І Сіноду Гродзенскай дыяцэзіі.
У сустрэчы з членамі камісіі ўдзельнічаў біскуп Гродзенскі Уладзімір Гуляй. Старшыня камісіі а. Андрэй Шчупал CSsR прадставіў увазе прысутных сінадальныя статуты адносна служэння святароў у дыяцэзіі. У ходзе абмеркавання ўдзельнікі пасяджэння ўнеслі ў тэкст статутаў некаторыя карэктывы.
Для камісіі па справах духавенства гэтае пасяджэнне было апошнім.
Біскуп падзякаваў членам камісіі за ўдзел у працы Сіноду і клопат аб развіцці мясцовага Касцёла.
Прэс-служба Гродзенскай дыяцэзіі
