14 лютага ў дыяцэзіяльным санктуарыі Маці Божай Шкаплернай у Гудагаі прайшла сустрэча моладзі Астравецкага дэканату.
Сустрэча была для ўдзельнікаў магчымасцю праславіць Бога перад Вялікім постам, які распачынаецца 18 лютага.
У праграме былі святая Імша і адарацыя Найсвяцейшага Сакрамэнту. Працягнулася сустрэча пачастункам і гульнямі.
Маладыя вернікі ўдзячныя за арганізацыю і правядзенне сустрэчы айцам кармэлітам і законным сёстрам, якія служаць у Гудагаі і Астраўцы.
Прэс-служба Гродзенскай дыяцэзіі
