21 студзеня ў біскупскай курыі ў Гродне прайшло пасяджэнне калегіі кансультантаў і святарскай рады Гродзенскай дыяцэзіі.
Пасяджэнне ўзначаліў біскуп Гродзенскі Уладзімір Гуляй. Яно было прысвечана падрыхтоўцы да святкавання 35-годдзя дыяцэзіі і 50-годдзя святарства яе першага біскупа Аляксандра Кашкевіча, якія будуць адзначацца сёлета.
На пасяджэнні былі вызначаны тэрміны святкавання галоўных дыяцэзіяльных падзей.
Сярод іншага вызначылі тэрмін перэгрынацыі ў парафіях Гродзенскай дыяцэзіі абраза Найсвяцейшай Панны Марыі Вастрабрамскай, Маці Міласэрнасці (галоўнай Апякункі Касцёла на Гродзеншчыне). Такім чынам, перэгрынацыя будзе праходзіць з 18 красавіка па 16 лістапада. Яе дэвіз – “Маці Божая Міласэрнасці – наша Апякунка”, гэта таксама дэвіз святкавання юбілею дыяцэзіі.
Прэс-служба Гродзенскай дыяцэзіі
