12 студзеня ў біскупскай курыі ў Гродне адбылося працоўнае пасяджэнне катэхетычнай рады. Пасяджэнне было арганізавана Аддзелам каталіцкага навучання і выхавання Гродзенскай курыі.
Удзельнікі азнаёміліся з макетам падручніка для дашкольнікаў. Таксама былі абмеркаваны прапановы пытанняў да экзамену перад Першай Камуніяй для ўсіх парафій і пытанні, звязаныя з катэхізацыяй у дыяцэзіі.
Дырэктар Аддзела каталіцкага навучання і выхавання а. Андрэй Шчупал CSsR падзякаваў членам катэхетычнай рады за ўдзел у пасяджэнні і за клопат аб развіцці катэхізацыі ў Касцёле на Гродзеншчыне.
Прэс-служба Гродзенскай дыяцэзіі
