22 мая ў парафіі Адведзінаў Найсвяцейшай Панны Марыі ў Мікелеўшчыне (Мастоўскі дэканат) адбылася Імша за кс. каноніка Рышарда Якубца ў другую гадавіну з часу яго смерці. У гэтай парафіі ён служыў больш за 30 гадоў.
У цэлебрацыі ўдзельнічалі святары, якія паходзяць з гэтай парафіі, і святары Мастоўскага дэканату. На літургіі дзякавалі Богу за служэнне спачылага і маліліся аб ласцы неба для яго.
Духоўна далучыўся да прысутных святароў і памаліўся за ксяндза Рышарда таксама біскуп Гродзенскі Уладзімір Гуляй.
Пасля Імшы ў парафіяльным касцёле была ўсталявана памятная табліца як падзяка спачыламу ад святароў, якія паходзяць з гэтай парафіі.
Прэс-служба Гродзенскай дыяцэзіі
