20 красавіка ў манаскім доме сясцёр салезіянак у Смаргоні адбылося працоўнае пасяджэнне катэхетычнай рады.
Узначаліў пасяджэнне дырэктар Аддзела каталіцкага навучання і выхавання а. Андрэй Шчупал CSsR.
Былі разгледжаны пытанні наконт падручнікаў для дашкольнікаў, абмеркаваны абавязковыя пытанні і малітвы перад экзаменам да Першай Камуніі, унесены прапановы па праграме катэхізацыі моладзі (11 клас).
Айцец Андрэй Шчупал цэлебраваў у капліцы манаскага дома святую Імшу, на якой прамовіў гамілію пробашч парафіі ў Жупранах (Ашмянскі дэканат) кс. Артур Ляшнеўскі SDB.
Удзельнікі пасяджэння наведалі музей-сядзібу М.К. Агінскага ў Залессі, дырэктар якой Людміла Градзіцкая правяла змястоўную экскурсію, смаргонскі касцёл св. Арханёла Міхала і араторый, дзе служаць ксяндзы салезіяне.
Прэс-служба Гродзенскай дыяцэзіі
