З нагоды Юбілейнага года св. Францішка браты францішкане ўсіх трох галін, Францішканскі ордэн свецкіх, а таксама супольнасць “ФМ Таў” запрашаюць на агульнабеларускі кангрэс, які адбудзецца 19 верасня ў Нацыянальным санктуарыі Маці Божай Будслаўскай.
Гэты малітоўны форум пад дэвізам “Ідзі і адбудуй дом Мой” (FF 1038) закліканы стаць прасторай для супольнага разважання над духоўнай спадчынай Асізскага Бедняка, для братэрскай сустрэчы і праслаўлення Бога за дар асобы св. Францішка і яго харызмы для Касцёла і свету.
Чаму варта прыехаць
Гэта цудоўная магчымасць зачарпнуць з багацця францішканскай духоўнасці, бліжэй пазнаць постаць Святога з Асізі, а таксама пазнаёміцца з жыццём і дзейнасцю яго сучасных паслядоўнікаў на нашай зямлі. Да ўдзелу запрашаюцца ўсе ахвотныя!
Што чакае ўдзельнікаў
Праграма ўключае ўрачыстую св. Імшу, тэматычныя канферэнцыі, малітву адарацыі з разважаннямі і спевамі, а таксама тэатральнае прадстаўленне і музычны канцэрт. Дадаткова падчас кангрэсу будзе дзейнічаць гасцінны намёт “У капуцына”, кірмаш, ды інклюзіўная гульнявая пляцоўка ад “Карытас” для самых маленькіх удзельнікаў.
Цэнтральнай падзеяй кангрэсу стане св. Імша а 12-й гадзіне, якую ўзначаліць біскуп Юрый Касабуцкі.
Праграма кангрэсу
10:00 – прыезд, рэгістрацыя і знаёмства;
11:00 – канферэнцыя на тэму “Актуальнасць францішканскай харызмы ў сучасным свеце”;
12:00 – урачыстая Эўхарыстыя;
13:00 – абед;
14:00 – канферэнцыя на тэму “Францішкане ў Беларусі: гісторыя і дзейнасць”;
15:00 – адарацыя / забаўляльная праграма для дзяцей;
15:40 – тэатральнае прадстаўленне “Гісторыя пра св. Францішка”;
16:30 – канцэрт францішканскай музыкі;
17:30 – літанія да св. Францішка і благаслаўленне рэліквіямі.
Для ўдзелу ў мерапрыемстве неабходна зарэгістравацца да 10 верасня, запоўніўшы анкету ў Google-форме.
Кантакты для дадатковай інфармацыі:
+375 29 948-19-06 – бр. Вадзім; +393 52 416-25-78 (Telegram, WhatsApp) – бр. Павел.
