22 кастрычніка ў смаргонскай парафіі св. Яна Паўла ІІ біскуп Гродзенскі Уладзімір Гуляй здзейсніць абрад благаслаўлення крыжа, які ўстановяць на галоўнай вежы касцёла, і званоў.
Парафія ў гэты дзень будзе святкаваць адпустовую ўрачыстасць у гонар свайго нябеснага апекуна. Парафіяльны касцёл будуецца.
Імша, на якой адбудзецца абрад благаслаўлення, пачнецца ў 18.30. У 17.30 адбудуцца выстаўленне Найсвяцейшага Сакрамэнту і Ружанец, у 18.10 прывітаюць біскупа.
Пробашч кс. Яўген Учкуроніс і парафіяне запрашаюць усіх ахвотных да ўдзелу ў гэтай падзеі, якую называюць важнай для парафіі і ўсяго Касцёла на Гродзеншчыне.
