3-4 ліпеня ў Нацыянальным санктуарыі Маці Божай Будслаўскай пройдуць традыцыйныя ўрачыстасці, у якіх звычайна ўдзельнічаюць вернікі розных дыяцэзій Касцёла на Беларусі.
Сёлета ўрачыстасці пройдуць у гонар 35-годдзя з часу аднаўлення каталіцкіх структур на Беларусі, на іх будуць дзякаваць Богу за адраджэнне Касцёла ў нашай краіне. Паколькі сёлета ў Касцёле праходзіць Год святога Францішка Асізскага, праграма ўрачыстасцяў уключае адпаведныя разважанні і малітвы праз заступніцтва гэтага святога. Дэвіз урачыстасцяў – “Богу хвала — Марыі давер — Касцёлу вернасць”.
На ўрачыстасцях адбудзецца прысвячэнне Мінска-Магілёўскай мітраполіі (Касцёла на Беларусі) Крыві Езуса Хрыста. На працягу ўсяго фэсту будзе магчымасць ушанаваць цудадзейны абраз Маці Божай Будслаўскай і памаліцца перад ім.
Праграма:
3 ліпеня, пятніца
14.00-17.00 — сустрэча і прывітанне пілігрымаў
18.00 — святая Імша з удзелам пілігрымаў
20.00 — Акафіст у выкананні хору Грэка-Каталіцкай Царквы
20.30 — Нешпары ў гонар Панны Марыі
21.00 — Крыжовы шлях
22.00 — моладзевая праграма “Моладзь да моладзі са святым Францішкам Асізскім”
23.30 — працэсія з копіяй абраза Маці Божай Будслаўскай
4 ліпеня, субота
00.00 — святая Імша
02.00 — адарацыя Найсвяцейшага Сакрамэнту
06.00 — Боская літургія Грэка-Каталіцкай Царквы пры галоўным алтары
07.00 — Гадзінкі аб Беззаганным Зачацці Найсвяцейшай Панны Марыі
08.00 — святая Імша ў базыліцы
09.00 — фацімскі Ружанец
09.45 — прэзентацыя першага агульнабеларускага афіцыйнага каталіцкага спеўніка “Божа, мы Цябе ўслаўляем” (дар Касцёлу да 35-годдзя аднаўлення яго структур)
10.30 — аднаўленне сужэнскіх абяцанняў з нагоды 35-годдзя шлюбу (1991 год)
11.30 — святая Імша, акт прысвячэння Мінска-Магілёўскай мітраполіі Найдаражэйшай Крыві Езуса Хрыста, эўхарыстычная працэсія
