Папу выдалілі ніжнюю долю правага лёгкага. Гісталагічнае даследаванне пацвердзіла дыягназ аденакарцыномы лёгкага, паведамілі ўрачы. Заяву абнародавала Зала Друку Святога Пасада.
“Святому Айцу, як і планавалася, была праведзена аперацыя на органах грудной клеткі. Для дасягнення радыкальнага выніку з дапамогай відэаасіставанай тэхнікі была выдалена ніжняя доля правага лёгкага. Інтрааперацыйнае гісталагічнае даследаванне пацвердзіла дыягназ адэнакарцыномы лёгкага, як і меркавалася паводле вынікаў перадаперацыйных абследаванняў”, - гаворыцца ў паведамленні, апублікаваным ўвечары 13 кастрычніка 2026 года.
Адзначаецца, што Святы Айцец знаходзіўся ў аперацыйнай каля трох гадзін, а сама аперацыя доўжылася каля 90 хвілін. Яна прайшла паспяхова, без ускладненняў.
Пасля аперацыі Папа нармальна прачнуўся і пасля кароткага перыяду назірання вярнуўся ў сваю палату на 10-м паверсе.
Хірургічную брыгаду ўзначальваў прафесар Стэфана Маргарытора. У яе склад таксама ўваходзілі прафесар Эліза Меачы, доктар Марыя Тэрэза Кангеда і доктар Леанарда Петракка Каравэла.
У склад анестэзіялагічнай брыгады ўваходзілі прафесар Масіма Антанэлі, доктар Джавані Пунца і доктар Джузэпэ Бэла.
