Гродзенская Вышэйшая духоўная семінарыя праводзіць набор кандыдатаў на новы навучальны 2017/2018 год

Гродзенская Вышэйшая духоўная семінарыя праводзіць набор кандыдатаў на новы навучальны 2017/2018 год. Працэс падрыхтоўкі да святарства ў гродзенскай семінарыі працягваецца 7 гадоў. Першыя два гады прысвечаны вывучэнню філасофскіх прадметаў і моваў. Наступныя чатыры - вывучэнню прадметаў тэалагічнага накірунку.

 

Акрамя інтэлектуальнай падрыхтоўкі і духоўнага фарміравання прадугледжана літургічная практыка ў парафіях.

Пасля 5 курсу, перад прыняццем дыяканскіх пасвячэнняў, прадугледжаны 1 год літургічна-душпастырскай практыкі ў вызначанай праз выхаваўцаў парафіі.

Пасля заканчэння 7-гадовай фармацыі кандыдат мае права звяртацца да біскупа з просьбай аб удзяленні яму святарскіх пасвячэнняў.

Прыём дакументаў адбываецца ў рэктараце семінарыі кожны дзень акрамя нядзеляў і ўрачыстасцяў па папярэднім запісе:

адрас: Белaрусь, Гродна 230025, вул. Парыжскай Камуны, 1, Вышэйшая духоўная семінарыя

mail:  Этот e-mail адрес защищен от спам-ботов, для его просмотра у Вас должен быть включен Javascript

тэл.: (8-0152) 77-02-34

Кандыдаты ў семінарыю павінны прадставіць наступныя дакументы:

• уласнаручна напісаная заява аб прыняцці ў семінарыю з матывацыяй свайго рашэння

• аўтабіяграфія (уласнаручна напісаная)

• атэстат аб сярэдняй адукацыі або дыплом аб заканчэнні іншай навучальнай установы

• пасведчанне аб сакрамэнце хросту

• пасведчанне аб сакрамэнце канфірмацыі

• пасведчанне аб удзеле ў катэхезе

• характарыстыка ад пробашча

• медыцынская даведка для паступлення ў ВНУ

• пашпарт і яго ксеракопія (старонкі 31-33)

• ваенны білет (прыпісное пасведчанне) і яго ксеракопія

• 4 фотаздымкі (3х4 см)

Прайсці ўступны экзамен можна будзе 10 ліпеня або 7 жніўня. Пачатак іспыту ў 10.00 (ёсць магчымасць начлегу). Падчас уступнага экзамену кандыдат павінен паказаць свае веды па асноўных тэмах з Катэхізіса і актуальнага жыцця Касцёла.

Больш інфармацыі аб жыцці семінарыі ў Гродне можна знайсці на афіцыйнай старонцы навучальнай установы — wsd.grodnensis.by.

Кс. д-р Раман Рачко, рэктар