Давайце пагаворым пра пакліканне

канцэрт!

07.01.2012

У парафіі Гродна-Аўгустувак 15 студзеня а 16-ай гадзіне адбудзецца канцэрт семінарыйнага гурта "AVE".

Усіх запрашаем!

дзень малітоўнага засяроджання

08.01.2012

У  суботні вечар 7 студзеня, вярнуўшыся з калядных канікулаў, клерыкі распачалі чарговы дзень малітоўнага засяроджання, якое для іх правёў духоўны айцец нашай семінарыі кс. Ян Сарэла.

А заўтра зноў распачнуцца экзамены...

рэкалекцыі распазнавання паклікання

08.01.2012

З 6-га па 8-га студзеня ў Сапоцкіна праходзілі першыя ў новым 2012 годзе, а адначасова ўжо другія ў гэтым навучальным годзе рэкалекцыі распазнавання паклікання, арганізаваныя Гродзенскай Вышэйшай Духоўнай Семінарыяй.

На рэкалекцыі прыехалі міністранты з парафій Васілішак, Вялікіх Эйсмантаў, Гродна і Капцёўкі, каб маліцца аб распазнанні і выбары свайго жыццёвага шляху, разважаючы над неабходнасцю быць шчырым перад Богам, самім сабою і ў адносінах з бліжнімі.

Падчас рэкалекцый маладыя людзі прыглядаліся і разважалі над прыкладам жыцця ізраэльскага караля і прарока Давіда, асабліва яго дабрадзейнасці шчырасці. У гэтым ім дапамагала ранішняя медытацыя над Божым Словам, казанне падчас Святой Імшы, а таксама стаўшы ўжо добрай традыцыяй прагляд мастацкага фільма. Канференцыі і казанні, якія слухалі міністранты, датычылі канкрэтных аспектаў практыкавання дабрадзейнасці шчырасці ў адносінах з Богам, самім сабою і іншымі людзьмі.

Таксама міністранты ўдзельнічалі ў набажэнстве пры Яслях у мясцовым касцёле, адаравалі Найсвяцейшы Сакрамант, разважалі над радаснымі таямніцамі жыцця Марыі і Езуса падчас ружанцовай малітвы, штодня ўдзельнічалі ў Святой Імшы.

Рэкалекцыі закончыліся ў нядзелю 8-га студзеня Святой Імшой.

Дзякуем Пану Богу за усе ласкі гэтых рэкалекцый!

навіны

06.01.2012

Ва Ўрачыстасць Аб'яўлення Пана клерыкі нашай семінарыі выяжджаюць на парафіі, каб падзякаваць за малітоўную і матэрыяльную падтрымку. Семінарыйны гурт "AVE" на працягу трох дзён (6-8 студзеня) выступіць 3 разы: адзін канцэрт у Смаргоні і два ў Астраўцы.

Дзякуем усім за падтрымку і запрашаем на канцэрты "AVE".